Nakaligo na ako at lahat at nakahiga sa kama para matulog ay naiisip ko pa rin ang mga sinabi ni Larwin kanina. Pagod na pagod ang katawan ko dahil sa mga ginawa naming dalawa bago siya umuwi pero parang hindi yata kakayanin ng pagod kong katawan na patulugin ako agad ngayong gabi.
Ilang sandali pa ay muling natulala na naman ako sa kisame at naisip ang mga sinabi niya kanina.
“Date? Anong sinasabi mo d’yan? Sira ulo ka ba? Paano ‘yung–”
Agad na natigil ako sa pagsasalita nang maisip na dapat ay hindi niya malaman na may alam ako sa kung anong namamagitan sa kanila ni Maple Reynolds. Baka mamaya ay awayin niya si Ma’am Lady kapag nalaman niya na kaya lang ako lilipat sa Rosswin ay para mabantayan ang mga kilos ng Maple na ‘yon sa kumpanya nila at kay Larwin.
Naiintindihan ko ang guston
