Kasama ko si Ma’am Lady nang pumasok ako sa Rosswin kinabukasan. Siya ang personal na naghatid sa akin sa magiging department ko kaya kahit papaano ay nabawasan ang kaba ko lalo na nang ipakilala niya ako sa mismong head ng department na ‘yon. Wala pa si Maple Reynolds noong dumating kami dahil masyado pang maaga.
“Kapag nagkaproblema ka dito sa department mo ay sabihin mo kaagad sa akin, Mau. ‘Wag kang mahihiyang magsabi ha?” Tuloy-tuloy na bilin niya pa habang naglalakad kami palabas sa magiging department ko. Tumango ako at saka hinatid siya hanggang sa elevator dahil nagmamadali na siya sa pag-uwi dahil malapit nang magising si Louise.
“Ingat sa pag-uwi, Ma’am Lady!” nakangiting paalam ko sa kanya. Muling pinaalala niya ang tungkol sa birthday party ni Louise sa darating na weekend k
