“Is there something going on with you and Kuya Larwin, Mau?”
Muntik pa akong masamid dahil sa tanong ni Ma’am Lady habang kumakain kami ng dinner! Hindi pa naman masyadong marami ang bisita na nandito sa Tagaytay kaya halos kakilala ko pa lahat ang narinito. Karamihan ay pamilya lang ni Boss Jared at ilang piling kamag anak nina Ma’am Lady.
Inabot ko ang baso ng tubig sa tabi ko at saka dali-daling uminom bago muling binalingan siya. Simula noong pumasok kasi kami dito sa cabin nila ay hindi ko na pinansin si Larwin. Sumusunod at dumidikit siya sa akin pero sinasadya kong ‘wag siyang pansinin dahil naiinis ako sa ginawa niya kay Architect Yura kanina!
Mukhang okay naman na si Architect Yura. Habang kumakain kami ng dinner ay nakikipag usap na siya at nakikitawa sa mga kasabay naming nag
