“Pinapapunta ako ni Ma’am Lady sa bahay nila mamayang hapon.”
Natigil si Larwin sa pagkain at nag-angat ng tingin sa akin. Sabay kaming nag-lunch ngayon dito sa penthouse dahil wala namang gaanong trabaho sa opisina. Bago pa sumapit ang araw na ito ay tinapos na namin ang mga dapat asikasuhin sa opisina. Sa lunes pa ng umaga ang balik namin dito sa Maynila dahil bukas ay magaganap ang second wedding nina Ma’am Lady at Boss Jared.
“Mamayang hapon? Bakit daw?” kunot ang noong tanong niya. Mamayang hapon na kasi kami pupunta sa Tagaytay dahil doon gaganapin ang kasal nila. Kagabi ay tinawagan niya ako at sinabing sa kanila na lang ako sumabay papunta doon.
“Sa kanila niya ako pinapasabay sa pagpunta sa Tagaytay,” sagot ko at saka nagpatuloy sa pagkain.
“You can’t,” mabilis na sambit niya
