Gusto ko sanang tumahimik na lang sa buong byahe namin pauwi sa apartment dahil nagugulo ang utak ko sa mga ginagawa ni Larwin sa akin. Paulit ulit siya sa pagsasabi na crush ko siya kaya sa tuwing magseseryoso siya ay hindi ko tuloy maiwasang mapatitig sa mukha niya. Matagal ko nang alam na gwapo siya pero hindi naman sapat na dahilan ‘yon para maging crush ko ang isang lalaki!
“Are you living in your apartment alone?”
Napalingon ako sa kanya nang muling mag-usisa siya sa personal kong buhay. Kumunot ang noo ko pero nakatuon lang ang atensyon niya sa daan. Likas na mabilis siyang magmaneho pero ngayon ay binabagalan niya kaya hindi ko mapigilang pagtakhan ang kinikilos niya.
“Ano naman ngayon kung mag-isa ako sa apartment? Kayang-kaya ko namang protektahan ang sarili ko,” sagot ko. Kah
