Bago pa ang kabuwanan ni Ma’am Lady ay hindi na ako pumapasok bilang assistant niya. Nagsimula na rin ang trabaho ko sa Mijares Trine at pakiramdam ko ay tuluyan na akong napalayo sa mga Ross kahit na araw-araw ko rin namang nakikita si Boss Jared sa opisina.
Sa katabing department ako naka-pwesto at noong una ay sobrang naninibago ako dahil ibang-iba ang trabaho dito sa Engineering firm kesa sa naging trabaho ko sa opisina noon. Maraming mga hindi pamilyar na salita sa akin ang kailangan kong alamin para maging gamay ko ang trabaho sa opisina.
Sa mga unang linggo ko sa Mijares Trine ay si Boss Justin ang madalas kong nakakausap dahil project niya ang naabutan kong inaasikaso sa department namin. Ibang-iba ang ugali niya kay Boss Jared at palaging pormal ang mukha kaya parang ang hirap g
