Kanina ko pa naririnig ang pag-uutos ni Larwin ng kung anu-ano sa mga tauhan dito sa corporate house. Narito kami sa annex sa kabilang building at halos tapos na ang doktor sa pag check-up sa aming dalawa.
Masakit ang ulo ko pero mukhang malayo naman sa bituka ang nangyari. Siguro ay dumugo at napuruhan lang talaga ang noo ko dahil sa gigil ko kay Larwin ay napalakas ang ginawa kong pag-untog sa kanya.
“You are both fine, Larwin. Siguro ay ingatan n’yo na lang muna ang mga ulo n’yo na mauntog ulit lalo na at fresh pa ang sugat ng sa kanya. Baka dumugo ulit.”
Nagsalita ang doktor at saglit na napatingin sa akin matapos magbilin ng ilang mga bagay. Hindi ko naman halos iniintindi ang mga sinasabi niya dahil ang buong atensyon ko ay naka-focus ngayon kay Kuya Mark. Kanina pa siya tahimik a
