Kahit masakit ang balakang ni Tessa ay nagawa niya pa ring umakyat ng ilang segundo lang para mapuntahan niya ang anak niya na narinig niyang sumisigaw sa kwarto niya. Nakabukas ang pinto ng kwarto nito nang madatnan niya si Trinity. Nagtatakip ito ng mukha nang makita niyang nakaupo sa gilid ng kama niya. Nanginginig na tila takot na takot pa rin.
"Anong nangyari? Bakit ka sumisigaw?" nag-aalalang tanong ni Tessa sa kanya.
Nang marinig ni Trinity na naroon na si Tessa ay tinanggal na niya ang kamay niya sa mukha. Tinignan niya ang bulto ni Jem sa puwesto niya kanina at nakita niyang wala na ito.
"Mama, nagpakita po sa akin ang kaluluwa ni Jem," sabi niya kaya biglang nanlaki ang mata ni Tessa. Napalingon tuloy ito sa paligid na tila hinahanap ang sinasabing kaluluwa ni Jem. Nang wala
