Pagdating ni Jem sa kusina nila ay wala siyang nakitang lutong pagkain na puwede nilang kainin ni Margo, kaya naman binuksan niya ang prigider at saka siya kumuha ng hotdog at ham. Mabuti na lang at hindi iyon nagyeyelo kaya maari na agad niya itong lutuin. Nagsaing na rin siya ng kanin. Kilala kasi niya si Margo na gutumin kapag galing ito sa inuman. Hindi niya lubos maisip na magagawa niyang gamitin ang kusina nila sa unang pagkakataon. Ganoon kalakas si Margo sa kanya. Talaga ngang mahal niya ito, higit pa sa pagiging magkaibigan nila.
Patay na ang ilaw sa buong paligid. Tanging sa kusina na lang ang bukas. Sa harap niya ay may bintana at kita roon ang napakadilim na bahagi ng gubat ng Perno Town. Tumatama rin doon ang sinag ng buwan. Tanging tunog lang ng piniritong hotdog ang naririn
