Hating-gabi na nang maramdaman ni Megan na nanlalamig ang buo niyang katawan. Wala pa naman siyang kumot dahil nasukahan niya ito kanina bago siya makatulog. Napabaluktot at napayakap tuloy siya sa sarili niya.
Mayamaya pa ay naramdaman niyang parang may malamig na kung ano ang maya't maya na dumidikit sa paa niya. Dinilat niya ang mata niya at saka inaninag ang aircon. Pakiramdam kasi niya ay nailakas niya ang temperature ng aircon kanina dahil sa kalasingan niya.
Medyo blurred ang paningin niya dahil madilim sa loob ng kwarto niya. Isa pa, naliliyo pa rin siya at masakit ang ulo kaya lalong nanlalabo ang mata niya.
Biglang bumukas ang bintana ng kwarto niya at saka pumasok ang malakas na hangin. Nagliparan ang mga papel at notebook ni Megan na nakahalang sa maliit niyang lamesa. Kasab
