Malakas ang naging pagyanig ng lupa nang bumagsak pa ang ilang malalaking tipak ng yelo. Kasing laki ng aming mga karowahe ang bawat tipak ng yelo na bumabagsak mula sa langit kaya tiyak na ikasasawi mo ito kapag mabagsakan ka ng mga ito.
Hindi ako nakakilos sa gulat sa nangyayari. Nakatingala lang ako sa langit, doon sa kulay asul na ulap na mukhang siyang nagluluwal ng mga malalaking piraso ng yelo.
"Potek, ano na naman 'to?" Kinakabahang tanong ko sa sarili ko. "Kakahirang lang sa'kin bilang bagong hari ng Arkhanta tapos may ganito agad? Ano 'to, gaguhan?"
Nagmasid din ako sa paligid. Mukhang nagkakagulo na nga ang mga mamamayan, at tila lahat ay naghahanap ng matibay na gusali na masisilungan.
Napanganga na lang ako ng isa sa mga gusali sa tabi ng Palasyo ang nagiba dahil sa pagbag
