Nagising akong medyo kumikirot ang ulo ko kaya hindi ko agad namalayan na nasa loob pala ako ng isang malawak na silid. Isang babae ang nakatayo sa may bintana ang tila nakamasid sa labas. At base sa suot niyang korona ay mukhang alam ko na kung sino siya.
Bumangon ako sa kamang hinigaan ko at napansin niya yata yun kaya nilingon niya ako.
Ngumiti siya.
"Gising ka na pala, Haring Yohan."
"Kilala mo ako?" Turo ko sa sarili ko. Tumango naman siya. "At ikaw... Ikaw ang reyna ng Emeron?"
Tumango na naman siya. "Ako nga. Ang aking pangalan ay Anthuria Lilyn."
Tinitigan ko ang maamo niyang mukha.
"Nagkita na ba tayo dati?" Tanong kong napakamot sa baba ko. "Parang pamilyar kasi sa akin ang mukha mo eh." Hindi ko kasi maipaliwanag, pero parang nakita ko na talaga siya dati.
Lumapad ang ng
