Agad akong lumabas ng aking palasyo upang tiyakin kung totoo nga ang sinabi ng aking kawal. At nakita ko nga ang tinutukoy nito.
Sa harapan ng aking palasyo ay ang libo-libong mga kawal mula sa iba't-ibang pamilya ng Alyansa. Ang ilan sa kanila ay may dala pang naglalakihang mga kanyon na siyang dahilan nang pagyanig ng aming palasyo.
Inasahan ko nang mangyayari ito. Ngunit kahit alam kong darating ang oras na ito, hindi ko pa rin akalain na ngayon nila agad gagawin itong pagsalakay sa amin.
May isa sa kanilang mga kawal ang nakakita sa'kin na nagmamasid sa kanila kaya sinimulan nila akong asintahin.
"Ayon si Zafaro! Patamaan siya!"
"Sugod!"
Pinaulanan nila ako ng mga palaso, bala ng kanyon, at ng kung ano-ano pang mga pasabog ngunit itinaboy ko lamang iyon kaagad nang walang kahirap
