Hindi namin iniwan si Yuna habang wala siyang malay. Pinahiga namin siya sa isa sa mga papag ng barko at binantayan namin siyang tatlo.
"Yohan..." tawag sa'kin ni Divan. "Hindi ka ba kinakabahan sa mga sinabi ni Yuna? Kung iisipin mo kasing mabuti, nagbigay siya ng isang babala... At alam mo namang isa siyang Shaman, kaya posibleng mangyayari nga ang mga binigkas niya."
Tumango ako. "Alam ko naman yun. Inaasahan ko na ring mangyayari ito. Ang hindi ko lang maintindihan, ay kung ano ang ibig sabihin ng mga sinabi niya."
"Mukhang may mangyayari sa pupuntahan natin na hindi natin inaasahan o parang ganun."
"Kung may ideya lang sana tayo kung ano yun..."
"Mahirap yun, Haring Yohan," ani Sailor Swift. "Lahat naman ng babala o propesiya ganun di ba? Kelan pa ba tayo nakarinig ng eksaktong p
