Kung hindi ako dinadaya ng paningin ko, malamang nababaliw na siguro ako.
Hindi kasi kapani-paniwala ang nakikita ko ngayon sa harapan ko. May mukha sa dibdib ni Xyron kung nasaan dapat ang puso niya?
At hindi lang basta-bastang mukha! Isang nakakapangilabot na mukha!
Isang mukha na parang sa ahas ang mga mata, sa isang dragon ang nguso pero bakas pa rin sa kanya ang anyo ng isang tao! Sa madaling salita--- isang halimaw!
"Yohan..." nakakapangilabot na sambit ng mukha sa dibdib ni Xyron. Habang si Xyron Turon naman, mukhang hindi niya inaasahan na agad magpapakita sa'kin itong nilalang na ito na parang nakadikit sa dibdib niya. "Naaalala mo pa ba ako, Yohan?" Tanong pa sa'kin ng mukha.
Napalunok ako sa takot. "H-Hindi. Sino ka bang ungas ka? May pangalan ka ba?"
Mukhang hindi niya na
