Napalunok na lang ako sa sinabi ni Aravella sa utak ko. Walang hiya bakit naman ganito ang nangyayari? Kaya ba hindi kami sinamahan dito ni Aravella kasi pati siya ay walang magagawa sa mga nilalang ng walang hanggang dilim? Mamamatay na ba ako kung kelan maangas na ako dahil sa aking bagong tuklas na Marka?
"Yohan tingnan mo, nabibiyak na nga ang mga Bunga!" turo ni Divan sa mga halaman. At totoo nga, nakikita ko na na may kung anong lumalabas mula sa mga Bunga. Tiningnan ko ang mga iyon nang mabuti at nakita kong mga mapuputing kamay pala yun... Singputi sila ng bulak. Unti-unti nang lumalabas ang mga nilalang hanggang sa tuluyan na nga silang nakaalis mula sa mga Bunga kung saan sila galing.
Lalo lang akong nangilabot nang makita ko na ang kabuuan ng mga katawan nila. Puti
