"AKALA ko ba hindi ka na babalik dito sa probinsya," bungad ni Clark kay Marcus nang makaahon siya mula sa swimming pool.
Tumingin siya sa wristwatch niya at mag-aalas nuwebe na ng umaga. "Yup! Kakausapin ko ulit ang may-ari ng lupa."
Ngumiti ito sa kanya at saka umupo sa upuan. "Mukhang mahihirapan kang kumbinsihin ang may-ari ng farm. Sabi ng asawa ko, magkamatayan man daw ay hindi iyon ibebenta ng may-ari."
Bigla siyang natawa sa sinabi nito. Pumasok sa isip niya ang mukha ng dalagitang may-ari. Para sa kanya madali lang niya itong makumbinsi kapag nakapag-usap sila ng maayos. Walang makakatakas sa charm na taglay niya kung kaya't kampante siyang bibigay din ito.
"Sana patayin niya ako sa sarap kung ganun," nakangisi niyang sabi sa kaibigan.
Natawa naman ito at napapailing-ilin
