GUSTO sanang tumawa ni Zhamara habang pinagmamasdan si Marcus na kumakain kaso baka magalit pa sa kanya ang mga batang kasama nila. Nandito kasi sila ngayon sa bahay niya — sa may balkunahi at kumakain ng meryenda. At dahil hindi pa pala kumain ng agahan si Marcus ay ipinaghanda ito ng pagkain ni Nanay Rita. At heto ito ngayon, parang patay gutom na kumakain sa bilis nitong sumubo at sa laki ng bibig nito.
Gaya nung nakaraan, parang ilang araw itong hindi kumakain dahil sa laki ng bawat subo nito. Natawa siya nag kunti nang muntikan na itong mabilaukan, mabuti na lamang at mabilis itong nabigyan ng tubig ni Nanay Rita.
"Kawawa naman si Kuya Marcus mukhang ilang araw na siyang hindi kumakain," biglang sabi ng isang bata na nagngangalang Amy na nakaupo sa tabi niya kaya napatingin siya r
