TINULUNGAN ni Zhamara si Nanay Rita sa paglatag ng telang pang-picnic sa damuhan. Isa-isa nilang inilabas ang mga pagkain na dinala ni Nanay Rita at inilagay sa maliit na foldable table.
"Kuya Marcus! Kuya Marcus!" masayang tawag nina Amy at Zaza nang makita ng mga ito si Marcus at ang tatlong batang lalaking kasama nito.
Lumapit sa kanila si Marcus at nagulat siya nang bigla itong maghubad ng pang-itaas na damit. Kunot-noo niya itong inirapan dahil kinindatan siya nito. Napapailing-iling na lamang siya.
Napasinghap naman ang dalawang batang babae habang nakatitig sa katawan ni Marcus. Wala na siyang ibang nagawa pa kundi ang magbuntong-hininga na lamang. Kung makasinghap ang dalawa ay parang hindi na mga bata.
"Okay! So, mukhang madali lang pala kayong turuan dahil sabi ni Dan-Dan a
