NAGSISIMULA ng lumubog ang araw nang mapansin ni Marcus na hindi na niya makita si Zhamara. Nasa palayan pa rin siya kasama ang ibang magsasaka na nanatili hanggang hapon. Ang iba kasi ay umuwi na kaninang tanghali pa. Nasa bahay-kubo lang kanina si Zhamara pero dahil napasarap ang kwentuhan niya sa mga magsasaka ay hindi na niya napansin na umalis na pala ito.
Pumunta siya sa bahay-kubo at saktong ini-lock na ito ni Manag Pasing dahil mukhang pauwi na rin ito. "Nakita niyo po si Zhamara, Manang?"
"Ay, oo, iho. Maliligo daw muna siya sa talon. Hindi ko alam kung nandoon pa ba hanggang ngayon o baka umuwi na," sagot nito sa kanya.
"Sige po. Maraming salamat."
Ngumiti ito sa kanya at saka naglakad na paalis. Tinahak niya ang daan papunta sa talon. Habang naglalakad siya ay bigla siya
