PINIGILAN ni Marcus si Nanay Rita. Kunot-noo namang napatingin si Zhamara kay Marcus. Nandito sila ngayon sa kusina at kumakain ng agahan si Marcus. Pinag-uusapan nila ang tungkol sa ginawa ni Nikko at kung ano ang mga kasong nakaabang rito.
"Sigurado ka bang hindi na natin kailangan mag-payl ng kaso sa police, iho?" nag-aalalang tanong ni Nanay Rita.
Umiling naman si Marcus. "Hindi na, Nay. Kunting daplis lang naman ang sugat ko. At saka siguradong makukulong na din 'yon at hindi na manggugulo rito."
"Mabuti talaga at agad na lumabas ang totoong pagkatao ni Nikko bago sagutin ni Zhamara," sabi ni Nanay Rita.
"I'm glad you didn't like Nikko," sabi ni Marcus at saka makahulugang tumingin sa kanya. "I wonder what kind of man you like."
"Eh?"
Natawa si Nanay Rita. "Ano nga pala ang
