SUNOD-SUNOD na tawag ang natanggap ni Mariano Martel mula kay Lhara. Naliligo pa naman siya ng mga oras yun pero napilitan siyang lumabas dahil naririnig niya ang walang tigil na pagtunog ng kanyang cellphone. Mabuti na lang din at lumabas siya dahil kung nagkataon ay baka narinig ng kanyang asawa ang tawag ni Lhara.
"Naliligo ako," wika niyang pabulong.
"Hayop 'yang asawa mo Martel! Sinugod niya ako at pinabantaan niya akong isusumbong kay Papa. Sasabihin niya ang tungkol sa relasyon natin!" pagwawala ni Lhara sa kabilang linya kaya natigilan siya. "Anong gagawin natin? Hindi pwedeng magsumbong ang asawa mo."
"Kalma ka lang... Ako ang bahala kaya Mae. Hindi niya gagawin yun," sagot niyang biglang nanginig.
"Huwag kang magtitiwala diyan sa asawa mo dahil kinausap niya na si Camillo. Si
