CHAPTER FIFTY-TWO
HANGGANG SA PAG-GISING ay hindi mawala-wala sa isip ni Rafael ang maamong mukha ni Aria. Pakiramdam niya ay may koneksyon silang dalawa. Ang gaan ng pakiramdam niya rito at hindi niya maipaliwanag ang nararamdaman niya sa tuwing na nakikita niya si Aria. Siguro dahil pinapaalala ni Aria si Sandra sa kanya. Ang nakakapagtaka lang ay kung bakit hindi niya makita ang ganitong koneksyon kapag si Lhara ang kanyang kasama. Walang lukso ng dugo.
“Pa!” sunod-sunod na pagkatok ni Lhara sa kanyang kwarto.
“Come in,” sagot niya.
“Kanina pa kita hinihintay na lumabas, Pa. May lakad kasi ako at ng barkada. Wala akong budget.”
“Barkada na naman? Akala ko ba may trabaho ka na sa kumpanya?” tanong niya. Wala na itong ginawa kundi ang sumama sa barkada. Kung minsan nga ay nagrereklam
