HINDI MAPIGILANG hindi mainis ni Lhara sa magkaibigang Aria at Richel, lalo na sa Aria na kasama ng kanyang ama ngayon. Gigil na gigil siya sa babae. Feeling close ito sa kanyang ama. Napansin niya rin ang kakaibang pagtitig ni Camillo kay Aria na lalo niyang ikinainis. Gustong-gusto niya nang kaladkarin palabas ang mga ito.
“Kumain ka ng mabuti. Sigurado naman ako na walang ganyan sa bahay ninyo,” pagtataray niya kay Richel. Si Agapito kasi ay kumuha lang ng pagkain at sa labas kumain. Hindi pa siya tapos sa babaeng ito dahil hanggang ngayon ay mahapdi pa rin ang kanyang mukha.
“Mahapdi pa ba ang sugat mo?” tanong ni Richel sa kanya.
“Bakit?” mataray niyang sagot. Hindi niya magawang lunukin ang pagkain dahil ito ang kanyang kasama sa hapag kainan.
“Pwede natin dagdagan kung gusto mo.
