TULOG NA TULOG si Aria pero si Camillo ay nanatiling gising. Napatingin siya sa oras, alas-tres pa lamang ng hapon. Titig na titig siya sa babae. Hindi niya inaalis ang mga mata sa babae. Nakadapa lang siya sa kama at nakatanghod sa mala-anghel nitong mukha na tila nagpapabato-balani sa kanya. Hindi niya maintidihan ang sarili dahil iba ang pagtingin niya babae. Espesyal ito sa kanyang puso at nasasaktan siya kapag may sinasabi itong kung anuman laban sa kanya at hindi niya maamin sa sarili ang kanyang kakaibang nararamdaman sa babae. Hindi siya pwedeng magmahal. Hindi dapat, dahil alam niyang kapag nagmahal siya ay magiging mahina siya. Masisira ni Aria ang kanyang buhay at ayaw niya rin na gamitin ito ng mga kalaban laban sa kanya.
Ang gusto niya lang naman ay makasama ito. Kapag si Ari
