HULI na para iwasan ni Camillo ang tiyuhing na si Richard. Nakita na siya nito.
Wala na siyang magawa kundi ang harapin ito. Hindi na siya magtataka kung bakit ang mga anak nito ay hindi ito matagalan.
"Wala na akong ginawa kundi tawagan ka pero hindi kita makontak...Saan ka ba naglalagi?" kunot ang noo nitong tanong sa kanya.
"Uncle, alam mo naman na busy ako palagi, hindi ba? Hindi lamang ako mafia boss, isa rin akong CEO," sagot niya.
"Yan nga ang problema dahil pinagsasabay-sabay mo. Bakit hindi ka mamilo kung alin ba talaga ang uunahin mo. Ang pagiging leader mo sa organisasyon na ito o ang paghihiganti mo sa mortal mong kaaway na si Saavedra."
"Wala akong pipiliin dahil kaya ko namang pagsabayin. Kailangan natin umarte na normal tayong mamamayan. Ang pagiging CEO ko ay ang dahi
