NATIGILAN si Lhara sa malakas na pagbangga sa kanyang sasakyan. Kung hindi siya nakapag-seatbelt ay baka nasubsob na siya sa unahan ng kotse. Sports car pa naman ang kanyang sasakyan at bagong modelo yun. Uminit ang ulo niya sa taong nakabangga sa kanya. Kung bakit ba kasi tatanga-tanga ito at pati ang sasakyan niya ay dinamay pa.
Galit na galit siyang bumaba ng sasakyan at hinarap ang may-ari ng sasakyan. Kulay itim yun na pajero.
"Baba!" sigaw niyang galit na galit. Akala yata nito ay uurong siya. Laking squatter pa rin siya at sanay sa bardagulan. Pinukpok niya ang bintana ng sasakyan.
Bumaba ang isang babaeng may edad na... Mukha naman itong sopistikada at mayaman.
"Hindi ka naman siguro tanga para hindi makita ang sasakyan ko, hindi ba?" galit niyang tanong sa babaeng mukhang wa
