NAALIMPUNGATAN si Aria dahil sa mahigpit na yakap sa kanya ng katabi. Bigla niyang naalala ang mga nangyari kahapon. Nagpakabasa siya sa ulan... Amoy pa lang ng katabi ay alam niyang si Camillo ang nakayakap sa kanya. Ito ang knight in shining armor niya kahapon. Hindi na siya nahiya at tinawagan niya ito. Total ay ito naman ang nagmamay-ari sa kanya ay lulubos-lubusin niya na. Dahan-dahan siyang gumalaw upang maalis ang kamay na nakapulupot sa kanyang katawan. Masama pa rin ang pakiramdam niya. Pakiramdam niya nga ay uubuhin siya. Naramdaman niya ang pagkalam ng kanyang tiyan. Hindi niya alam kung anong oras na dahil madilim ang buong silid. Pakiramdam niya rin ay nanghihina ang kanyang katawan.
Bahagyang gumalaw si Camillo. Nagising niya yata ang lalaki.
"Are you okay? Anong nararamdam
