NAPAPAILING na lamang si Camillo paghiga niya ng kama. Naiilang pa rin siya sa ginagawa ni Lhara. Pakiramdam niya ay may pinaplano ito laban sa kanya
Naiintindihan niya kung nagkakagusto ito sa kanya pero iba ang pakiramdam niya sa ginagawa ng babae, feeling close ito kaagad sa kanya. Unang-una ilang araw pa lang silang magkakilala at dalawang beses pa lang sila nagkasama pero kung umarte ito ay parang girlfriend niya. Para itong ahas na palaging nakalingkis sa kanya.
Kung minsan nga ay pinapaalis pa nito ang ama para lamang masolo siya. Akala yata nito ay hindi niya nahahalata ang mga ginagawa nito. Iyon ang nagiging palaisipan sa kanya kung kaya lalo niyang pinag-iisipan na may motibo si Lhara sa pagpasok sa buhay ni Rafael Saavedra.
Napapabuntong-hininga na lamang siya. Bigla niyang
