CHAPTER 32
ANG BILYONARYONG KARGADOR
“Malapit na ang birthday ko.” Sabi ko sa aking katabi. Nagpaparinig lang naman ako para may pag-uusapan habang nakaupo kami sa likod ng kanyang pick-up na sasakyan, nagpapahinga muna. Wala akong kasama eh, kahit na ayaw ko sa taong ito dahil naiinis pa ako ay ito naman ako… sumama sa kanya habang kumakarga ng prutas ng mangga sa sasakyan para ibenta.
Sumama ako sa kanya dahil wala sa bahay sina Yaya Bebang at Kuya Saimon, nasa pamilihan at may binili. Magpapadala rin kasi ng pera si Yaya sa kanyang pamilya dahil sinahuran na sila ni lolo kahapon.
"Sinabi mo iyan sa akin, bakit? Invited ba ako." Umirap ako.
“Kung gusto mong pumunta ay ayos lang pero kung ayaw mo then sa gabi ka na lang pumunta… .” bigla siyang lumingon sa akin na may nakakaloka na
