NGAYON, NAPAGDESISYUNAN kong pumunta sa kompanya na pinagtatrabahuan ko. Nagrequest ako sa head namin na bigyan ako ng story para i-proof read. Na-miss ko na kasi ang gawaing iyon. Hanggang ngayon, wala pa rin akong natanggap na story ni Evenel. Ewan ko ba kung bakit kay Evenel lang ang pina-assign sa akin na iproof-read. Noon, hindi lang naman kay Evenel ang ipo-proof read ko.
Bago ako umalis sa bahay kanina, nagpaalam muna ako kay Felix. Sinabi ko sa kanya na papasok ako sa trabaho. Wala lang naman siyang sinabi at tumango lang nang hindi ako tiningnan. Nakapokus ang atensyon niya sa kanyang laptop. Haist. Nakababad na naman siya sa laptop niya. Di kaya'y DOTA player si Felix? Sabi kasi, eh, na makakakuha ka raw ng pera sa paglalaro.
"Anikka!" Napalingon ako nang may tumawag
