"OSCAR, kamusta na kayo riyan?" agad kong tanong kay Oscar nang nakita ang pagsagot niya sa tawag ko. Katulad ko, siya ay isang proofreader. Nakatira siya sa Cebu pero napagdesisyunan niyang lumipat dito sa Manila upang magtrabaho. May lahi siyang American. Ang kanyang buong pangalan ay Oscar Smith. ‘Yong papa niya ay American samantalang ang mama niya naman ay Pilipina. Sa lahat ng katrabaho ko, siya ang pinakabanal.
"Uy, Ann! Okay lang kami rito! Ikaw? Nasaan ka ba ngayon? Ba't ‘di ka namin ma-contact?" sunod-sunod na tanong ni Oscar. "Guys, si Ann tumawag!" May narinig akong kaluskos sa kabilang linya. Ooh, nago-overtime sila. Napangiti ako nang malamang okay lang ang aking mga kaibigan.
"Shh lang kayo. Pakinggan natin si Ann. 'Di ko siya marinig." Narinig kong si
