PAGKATAPOS kong magbihis ay umupo lamang ako sa kama ko at tumulala. Nagpalipas ako ng oras dahil alam kong sa mga sandaling ito ay sama-samang nagdi-dinner ang pamilya nila.
Mali itong ginagawa ko. Buong tiwala nila akong pinapasok sa mansion nilang ito, pero heto, sinisira ko. Pero ano'ng gagawin ko? Paano ko mapipigilan si Sir Dame Lei? Nabayaran na niya ako at ayoko rin namang mawalan ng trabaho.
Napakahirap maghanap ng trabaho, no. Ginagawa ko ito para sa pamilya ko. Nasabi ko na kay Mama na magpaalam na siya sa amo niya para makauwi na siya at makasama na namin dito sa Pilipinas. Nasabi ko na sa kanya na may ipon na akong pera para sa pangnegosyo niya.
Kailangan kong makausap si Sir Dame Lei. Natatakot ako na baka malaman ng mga magulang niya at ng iba pa nilang mga kapatid ang n
