LUNA
Kakatapos ko lang maligo dahil routine ko na talaga ito bago matulog. Si Forrest pa ang pinag-igib ko ng tubig sa ilog dahil malinis naman ito. Hindi naman siya nagreklamo. Proud pa nga niyang i-flex ang mga muscles niya habang bitbit ang dalawang malaking galon. Kahit sa pag-iigib man lang may silbi ang katawan niya. At ngayon siya naman ang naliligo. Alas nuebe na nang gabi kaya matutulog na rin kami. Nagbihis lang ako ng terno pajama pantulog. At nandito ako ngayon sa kuwarto para ayusin ang higaan at magkabit na rin ng kulambo.
“Ano yan?”
Napalingon ako kay Forrest dahil sa tanong niya.
“Maraming malalaking lamok dito kaya kailangan natin na mag-kulambo. Iniingatan ko din ang balat ko mahirap na.” Sagot ko sa kanya. Nakalimutan kong magpabili ng lotion or incense para sa lam
