KUNG may isang salitang maglalarawan sa nararamdaman ni Via ngayon iyon ay ang salitang kabado. Nanlalamig na ang palad at talampakan niya habang nasa biyahe sila ni Migs pauwi sa bahay ng mga magulang nito sa Quezon City. Tapos na ang concert at successful iyon gaya ng inasahan niya at ng buong team. Kagaya ng sinabi ni Migs sa interview bago ang first major concert nito, he really bid his farewell after announcing their engagement. Halo halo ang rekasyong natanggap nila online pero sinabihan siya nito na huwag na iyon pansinin. Hindi na daw sila dapat dumipende pa sa sasabihin ng mga tao sa paligid nila. Pilit niya kinalma ang sarili niya at paulit ulit na sinabi sa isipan na kaya niyang itawid ang araw na iyon.
Naramdaman niyang ginagap ni Migs ang kamay niya saka dinala sa labi para h
