Kung alam lang niyang napakahirap pala ang magbuntis, sana'y hinayaan na lang niyang mawala ang lahat sa kanya at mapunta kay Paloma. Dahil sa kanyang kapusukan, parang mas lalong nadadagdagan ang mga mali niyang desisyon sa buhay.
"Senyorita, may naghahanap po sa inyo sa gate at ayaw munang papapasukin ni Senyora Paloma hangga't hindi niya makumpirma na kilala mo yong tao."
Nag-enjoy siya sa gilid ng pool habang nakababad sa tubig ang kanyang mga paa. Tumaas ang kanyang kilay habang nilingon ang isa nilang katulong. "Ano daw ang pangalan niya?" Sino naman kaya ang maghahanap sa kanya? Dating kaklase?
"Nakalimutan kong kunin yong pangalan basta parang foreigner po dahil kulay asul ang mata."
Asul na mata? Wala siyang kilala na mayroong ganung kulay ang mata maliban kay Mr. Blue Eyes
