Zhea
Halos wala akong tulog kagabi dahil iniisip ko ang gagawin namin bukas. Simula nang makita ko na isa sa mga guest si Knoxx sa mismong anniversary ng SYKON ay hindi na ako mapakali pa. Sa dalawang araw na nandito si Knoxx ay wala akong ginawa kundi ang sundan lahat ng kanyang mga galaw. Doon ko nahuli na may palagi siyang mga kinakausap na mga kalalakihan at mukhang may balak nga silang gawin sa mismong araw ng anniversary. Nakita ko rin na may bago ulit siyang hinire na isang assassin na babae tulad ng kanyang sinabi. Pagkatapos ko siyang sundan ng dalawang araw ay nalaman kong sa mismong speech ni Kysler ay papatayin niya sa harap ng mga tao si Kysler kaya agad ko namang sinabi ito kay Ms. Thorn. Medyo napagalitan pa nga ako kay Ms. Thorn dahil hindi nanaman daw ako nag-iingat.
