Kabanata 13
“Nag-away ba kayo nitong apo ko, hija?” tanong ni Lola Corazon.
NAPATINGIN si Kenna sa matanda na kasalukuyang nasa harapan nila at sinasabayan kumain ng agahan. Nasa mansion sila ng mga Guevarra at doon nagpalipas ng gabi dahil nais silang makausap ng matanda.
Sa totoo lang ay hindi alam ni Kenna kung anong isasagot niya rito. Hindi naman sila nag-away ni Greyson. Nang sabihin niya na naglunch date sila ni Raven sa harap mismo nito ay wala itong natanggap na kahit anong reaksyon mula sa binata. Pero nang makita ni Greyson na hindi nito suot ang kanilang wedding ring ay doon na nagkaroon ng mabigat na tensyon sa pagitan nila. Bagama’t hindi siya kinausap ni Greyson tungkol dito ay alam niya na iyon ang ikinapuputok ng butsi nito. He’s treating her with a cold treatment af
