SA mga sumunod na araw ay parang nakalutang ang mga paa ni Janine sa lupa. Pinalis niya sa kaniyang isip ang mga alalahanin at nagdesisyong ituon ang buong atensiyon sa positibong bahagi ng sitwasyon nila ni Draco. Isa na roon ay ang katotohanang masarap iyon sa pakiramdam. Sa loob ng maraming taon ay hindi pa nakaramdam ng ganoon si Janine. Iyong tipong sabik siyang gumising ng maaga at magtungo sa Visperas Hotel dahil alam niyang naroon si Draco at hinihintay ang kaniyang pagdating. Para siyang nabunutan ng tinik sa lalamunan nang magdesisyon siyang huwag nang umiwas at aminin sa sarili ang isang katotohanan. Gusto niya si Draco. Mula pa noon hanggang ngayon. And allowing her self to feel something for him was so liberating.
“Magandang umaga Ma’am,” bati ng security na sumalubong sa ka
