“KAPAL talaga ng mukha! Po-posing-posing pa sa Eiffel Tower na nakabalandra ang LV bag, eh galing naman pala lahat sa masama!”
“Dito na yata napunta ang pera ng taumbayan!”
”Kala mo naman sinong maganda! Puro retoke naman! Pwe!”
”Hoy, girl, mahiya ka! Hindi porke’t nagpakamatay ang nanay mo eh papatawarin ka na ng publiko! Ilang taon ka ding naging buhay prinsesa! Yun pala, lahat ay galing sa tax ng mga Pilipino at sa mga kaduda-dudang negosyo ng nanay mo!”
Hinablot ni Marie ang cellphone na hawak ni Maldita at tiningnan siya ng masama.
“Di ba sabi ko naman sa ‘yo na huwag ka na magbasa ng comments?”
"Bakit sa akin sila nagagalit, Marie?” garalgal ang boses na tanong niya. “Wala naman akong ginawang masama. Lahat ng lugar at mga gamit na naka-post sa Instagr*m ko ay galing sa saril
