“ANO ang pangalan mo?”
“L-Lito Juntilla, Boss.” Takot na takot ang mga mata ng matanda. Hindi siya makatingin ng diretso sa lalaking kaharap na may malaking pangangatawan.
Magkaharap silang nakaupo sa maliit na mesa na gawa sa kahoy. Pareho silang nakaupo pero siya ay nakatali sa likuran ang mga kamay.
Napasinghap siya nang bigla na lamang nitong hinampas ang mesa.
“Uulitin ko! Ano. Ang. Pangalan. Mo!”
Napalunok siya. Alam na agad nitong nagsisinungaling siya. Marahil bago pa siya dinukot ng mga ito ay alam na agad nito ang tunay niyang pagkakakilanlan.
Matagal na niyang pinalitan ang kanyang pangalan. Nagpalit na siya nang identity at lumipat ng tirahan kasama ang kanyang pamilya.
Pero sino ang kalalakihang ito na dumukot sa kanya?
“Boss…” Pinag-iisipan niya kung magmamatigas
