PARA akong nakalutang sa alapaap habang naglalakad palabas ng subdivision. Doon kasi ako sasakay ng jeep patungo sa school. Hindi na rin mawala-wala ang ngiti ko sa aking labi. Kahit na sumasakit na ang panga ko sa kakangiti ay hindi ko pa rin talaga mapigilan ang sarili. Kagabi naman ay halos hindi na ako makatulog dahil sa kaka-isip sa malambot na labi ni Terrence. Hindi magkandaugaga sa pagtibok ng puso ko kagabi dahil sa sobrang kilig. Ni hindi na nga ako nakapunta sa kwarto ni Crizsa para sana makipag-kwentuhan sa kanya.
Unang beses kong maramdaman ang pakiramdam na ito. Sobrang saya na hindi ko mawari. Parang gusto ko na lang palaging kasama si Terrence. Gusto ko siyang laging nakikita at nakakasama. At ang yakap niya ay lagi kong nami-miss.
Pinilig ko ang aking ulo. Maraming kah
