"WHAT the hell, Terrence?! Talagang pinatulan mo ang promdi na 'yan?" maarteng sigaw ni Missy na humarang sa dinaraanan naming dalawa ni Terrence. Kitang-kita ko ang pinaghalong pagkauyam at gulat sa kanyang namumulang mukha.
Papasok na kaming dalawa ni Terrence sa building kung saan naroon ang classroom namin.
Kagaya noong nililigawan niya pa lang ako'y lagi niya akong inaabangan sa gate at sabay na pumapasok. Hindi pa rin naman nagbago ang routine na iyon ni Terrence. Ang nadagdag lang ay magkahawak kamay na kaming dalawa habang naglalakad. Na tila ba wala siyang pakialam sa mga nakakakita sa aming dalawa.
Humigpit ang pagkakahawak niya sa kamay ko habang hinarang naman niya ang kanyang katawan sa harap ko para takpan ako kay Missy.
"What is it to you, Missy? It's none of your busi
