KINAKABAHAN ako kanina pa. Hindi ko nga alam kung dapat pa ba akong pumunta sa school, eh wala naman na kaming pasok. Bakasyon na namin at next week pa ang balik namin. Pero may usapan kasi kami ni Terrence. Gusto ko ring makapag-usap kaming dalawa. Gusto kong ipaliwanag sa kanya ang ginawa ko kagabi. Alam kong nagalit siya at natapakan ko ang ego niya dahil sa pagpili ko kay Sir Edward para ihatid ako sa mansyon.
Tulala ako kanina pa sa harap ng salamin.
Nakabihis na ako at nakaayos na rin.
"Anak, aalis ka pa ba?" biglang tanong ni Nanay mula sa aking likuran.
Tiningnan ko siya sa repleksyon ng salamin.
"O-Opo, 'Nay," sagot ko. Kinakabahan dahil baka magtanong pa siya o mag-usisa kung saan ako pupunta.
"Mag-iingat ka at umuwi ng maaga. Kagabi pala ano'ng oras ka ng umuwi," samb
