SAKAY ng inarkilang kotse sina Lhorde at Raven para makalayo sa pinanggalingang bayan nang bigla na lamang may nag-overtake na mga sasakyan sa kanilang kinasasakyan.
Hindi lang isa, kung ‘di tatlo na kay bibilis ng mga patakbo. Hanggang sa hindi kalayuan ay tuluyang tumigil ang mga iyon. Dahilan para tuluyan ding mapahinto ang kinasasakyang sasakyan nina Lhorde.
Humigpit ang kapit ni Raven sa kamay ni Lhorde nang makaamoy ng kakaiba. Ang kaba sa dibdib niya ay hindi na naman mawala. Nang lumingon siya sa likurang bahagi ng kinasasakyan nila ay nakita niya na may limang sasakyan din ang nakahinto roon. Hindi sila basta-basta makakalusot kung sakali man.
Mukhang nahabol na sila ng mga tauhan ng ina ni Lhorde. Ganoon na lang ang nerbiyos na kaniyang nararamdaman.
“W-what’s going on?” kand
