Kinaumagahan, maaga na pumunta sa colluseum si Meisha at Enmo para tingnan nila ang resulta at listahan kung sino ang makakalaban ng nanalong kalahok kahapon. Hindi niya isinama ang tatlo at dahil wala naman siyang ipag-uutos sa mga ito, hinayaan na lang niya ang mga ito na gawin ang gusto sa araw na ito o sa sumunod.
“Hmm,” masyado malaki ang bulletin board kaya kinakailangan niyang tuminga para tingnan mula sa umpisa. Nakita niyang mayroon na lang isang daan at dalawang pu ang natitirang kalahok.
Inilipat niya ang kanyang paningin sa isang chart. Nakita niya roon ang pangalan niya sa apatnapu sa kulumna at ang makakalaban niya ay isa ring salamangkero. Sa isang daan dalawampu na kalahok, mayroon lang apatnapu’t pitong salamangkero ang natitira.
“Alexandre Kolton,” basa ni Enmo sa p
