NATIGILAN si Markus nang makita niyang kausap ng kanyang kapatid si Patricia nagdidilig ng halaman si Patricia habang si Mark ay nasa likuran nito at nagkwekwento. Hindi niya mapigilang hindi magtaka kung bakit kausap na nito ngayon ang babae. Isa pa, alam niyang galit na galit ito kay Patricia dahil pinatuloy niya sa bahay niya. Alam din nito ang nagawang kasalanan noon ni Patricia. Hindi na rin siya nagtataka kung bakit ayaw ni Mark sa mga naging babae niya.
Lahat ng babaeng nauugnay sa kanya ay kontra ito. Minsan nga ay naiisip niya na lang na baka may galit talaga ito sa mga babae at nadadamay lang siya.
Sabagay hindi niya naman masisisi si Mark dahil talagang baliw siya pagdating sa babae. Hindi niya makontrol ang ang sarili kung minsan lalo na nang iwan siya ni Cristina. Hindi niy
