FIRST DAY pa lang ni Athena sa Modanza Corporation ay pakiramdam niya ubos na agad ang energy niya.
Bukod sa mga pinapa-photocopy ni Ms. Alcantara ay marami pa itong mga utos na kung anu-ano. Biglang nagbago ang isip nito at ayaw na ng brewed coffee galing sa pantry ng opisina kaya pinapunta siya nito sa Starbucks para doon um-order ng kape.
Ilang beses din siyang pinababa nito sa ground floor para kunin ang kung anu-anong parcel at food deliveries ng mga nasa department dahil mayroon daw silang hinahabol na deadline at ayaw ni Ms. Alcantara na bumaba ang mga ito.
Pakiramdam niya ay pinagkakaisahan siya ng lahat ng mga kasamahan sa HR department. Marahil akala nila ay stalker siya ng CEO ng kumpanya dahil sa nangyari kahapon na pagpupumilit niyang makausap ito.
Nang matapos ang araw
