BAHAGYANG SUMAKIT ang katawan ni Athena nang pumasok siya kinabukasan sa opisina. Hindi siya sanay sa pisikal na trabaho. Hinanda na niya ang sarili sa araw ngayon dahil baka kung anu-ano na naman ang iuutos sa kanya ng manager at maging ng mga katrabaho sa department.
“May nakakita raw sayo na umangkas sa motor ni Mark kagabi, ah.”
Nilingon ni Athena ang nagsasalita niyang katrabaho na pumasok sa pantry area. Kasalukuyang nagtitimpla si Athena ng kape para kay Ms. Alcantara.
Nakataas ang isang kilay ng babae at pinagkrus ang mga braso. “Naku, lagot ka talaga kay Micah ‘pag nalaman niya ‘yon. Ang tagal pa namang bet n’on si Mark.”
Tinalikuran niya ang babae at pinagpatuloy lang ang ginagawa. Wala naman siyang pakialam sa sinasabi nito. Hindi niya kilala si Micah at hindi rin naman si
