CHAPTER 25
TILA ISANG MALAKAS na sampal ang sinabi ni Charvis.
Pakiramdam ni Athena ay binuhusan siya ng malamig na tubig. Hindi siya makahinga ng ilang segundo. Naninikip ang dibdib niya.
Kasama ni Jeric si Jessica?
Ilang beses siyang kumurap upang pigilin ang luhang nagbabadya sa mga mata. Bigla niyang naalala kung ano lang siya sa buhay ni Jeric ngayon. Isang hamak na alipin. Isang instrumento upang makapaghiganti ito sa ama niya.
Muling tumingin si Athena sa labas ng bintana at may tumulong luha sa kanyang pisngi.
Ano ba kasi ang nangyari kay Lolo Oscar at Lola Beth? Hindi ako naniniwalang kayang pumatay ng tao ni daddy. O baka dahil sa pagpapalayas ni daddy noon sa kanila, napamahak ang lolo at lola ni Jeric?
Humugot siya ng malalim na hininga at saka mariing pumikit. Agad
